- Опубликовано: 04.06.2014 13:29
- Автор: Армянская апостольская церковь
ՀՐԱԺԵՇՏ ԱՅԲԲԵՆԱՐԱՆԻՆ
«Ճանաչել զիմաստութիւն և զխրատ, իմանալ զբանս հանճարոյ»
Սուրբ Մեսրոպ Մաշտոցի առաքելությունն էր ժողովրդին մայրենի լեզվով լուսավորելը, հայությունն ու հայրենիքը քրիստոնեական եկեղեցու և հայոց լեզվի ու հայ մատենագրության միջոցով միավորելը, ժողովրդի ազգային ինքնությունը պահպանելը։
Հենց այս գաղափարներով է առաջնորդվում և գործում նաև Սանկտ Պետերբուրգի Հայ Առաքելական Եկեղեցուն կից Լազարյանների անվան հայեցի դաստիարակության կենտրոնը, որի սաները մայիս 25-ին կազմակերպել էին ուսումնական տարին ամփոփող միջոցառում' «Հրաժեշտ այբբենարանին» խորագրով:
Միջոցառումը սկսվեց Տերունական աղոթքով: Հաջորդիվ մաշտոցյան այբուբենը սերտած երեխաները իրենց ելույթներով ցույց տվեցին՝ ինչպես են յուրացրել մայրենին, ասմունքեցին, երգեցին, ներկայացրեցին փոքրիկ բեմադրություն և ավարտեցին միջոցառումը դհոլի երաժշտական համարով:
Միջոցառման ավարտին դպրոցի տնօրեն Ռուզաննա Կուրղինյանը շնորհակալություն հայտնեց գեղեցիկ միջոցառման համար և իր գոհունակությունը հայտնեց երեխաներին, դպրոցի անձնակազմին և ծնողներին արդյունավետ ու նվիրված աշխատանքի համար: Այնուհետև աշակերտները ստացան գովասանագրեր, իսկ իրենց ակտիվ գործունեությամբ աչքի ընկած ծնողները պարգևատրվեցին շնորհակալագրերով:
Ամփոփիչ խոսքով հանդես եկավ Արամայիս սարկավագը. «Մենք երեք «մայր սրբություններ» ունենք. Մայր Եկեղեցին, Մայրենի լեզուն և Մայր հայրենիքը: Պետք է ամուր պահել այդ երեք «մայրերին», մնալ հայ' անկախ գտնվելու վայրից»:
http://armenian-church.org/novosti/2165-2017-08-08-09-33-25#sigProId42463e2506