«Հեքիաթային միջոցառում» Լազարյանների անվան հայեցի դաստիարակության կենտրոնում

Սանկտ Պետերբուրգի Հայ Առաքելական Եկեղեցուն կից գործող Լազարյանների անվան հայեցի դաստիարակության կենտրոնի նախադպրոցական դասարանի սաները մայիսի 18-ին կազմակերպել էին յուրօրինակ միջոցառում:

Նախապես ընտրվել էին հայկական ժողովրդական հեքիաթներից տարբեր հատվածներ և դրանց հիման վրա փոքրիկները բեմադրել էին ներկայացում:

Միջոցառումը սկսվեց տերունական աղոթքով, որից հետո ունկնդիրները հնարավորություն ստացան դիտել դպրոցի սաների խաղը:

1dfg3

Հեքիաթների սյուժեն ունի մի հիմանական գիծ' չարի և բարու պայքար: Փոքրիկների բեմականացման մեջ հետաքրքիր կերպով արտացոլվում էր բարու հաղթանակը: Հեքիաթն այն իրականությունն է, որ գոյություն ունի երեխաների համար և նրանք իրենց հեքիաթային իրականությունը փոխանցեցին հանդիսատեսին:

Միջոցառման ավարտին Տ. Սարգիս քահանա Չոփուրյանը շնորհակալություն հայտնեց ուսուցիչներին և դպրոցի սաներին գեղեցիկ միջոցառում պատրաստելու համար, և Աստծո օրհնությունը խնդրեց նրանց համար: